Գյումրեցի գործարար Գագիկ Ադամյանը, որը երեք անգամ եղել է ավագանու անդամ՝ երկու անգամ Վարդան Ղուկասյանի օրոք, մի անգամ էլ` Սամվել Բալասանյանի, նորից պատրաստվում է մասնակցել Գյումրու ՏԻՄ ընտրություններին։ Թե որ քաղաքական ուժի միջոցով, դեռևս չի բարձաձայնում, սակայն նշում է՝ ոչ երբեք ՀՀԿ-ով։
«Այն խոսակցությունները, թե ես ընտրություններին մասնակցելու եմ ՀՀԿ-ով՝ նրանց ցուցակը գլխավորելով, իրականությունը չեն համապատասխանում։ Ես ՀՀԿ-ից վաղուց եմ դուրս եկել՝ 7-8 տարի առաջ, ես այլևս չկամ այդ կառույցում և չեմ լինելու։ Երբ կգա ժամանակը, կհայտարարեմ, թե որ ուժի միջոցով եմ առաջադրվելու»,-ասաց Գագիկ Ադամյանը։
Հիշեցնենք, որ Գագիկ Ադամյանը մարզպետ Աշոտ Գիզիրյանի պաշտոնավարման ժամանակ նշանակվել էր Գյումրու «Էնրիկո Մատտեի անվան պոլիկլինիկա» ՓԲԸ-ի գործադիր տնօրեն։ Նա վեց տարի աշխատելուց հետո՝ ազատվեց պաշտոնից 2018 թվականի իշխանափոխությունից հետո, իր տեղեկացմամբ՝ պաշտոնավարման ժամկետը ավարտվելուն պես։
Կարդացեք նաև
Նունե ԱՐԵՎՇԱՏՅԱՆ
