Երեւանի նախկին քաղաքապետ Հայկ Մարությանը լրագրողների հետ ճեպազրույցում անդրադարձավ քաղաքապետ Տիգրան Ավինյանի այսօրվա հայտարարությանը, որ հասարակական տրանսպորտի սակագնի թանկացման դեմ բողոքողները պետք է վերջ տան քաղաքական շոուներին։ «Շոուների մասին, կարծում եմ, իրենք չպետք է խոսեն, որովհետեւ 87 մլն տվել են իրենց ինագուրացիայի համար՝ մեծ շոուով»,- ասաց նա։
Մարությանն ասաց, որ այսօր առավոտվանից բոյկոտի ակցիաներ են իրականացրել տրանսպորտային միջոցներում։ «Եվ ի վերջո մենք հասել ենք հանգիստ բոյկոտի մի ձեւի, այսինքն՝ ժողովուրդը գիտակցել է, մարդիկ առանց վեճերի իրենց ակցիան իրականացրել են։ Մարդիկ էլ կան, որ, այո, վճարում են 150 դրամ, դա իրենց իրավունքն է։ Բայց ամենակարեւորը՝ ստեղծված են իդեալական պայմաններ, որպեսզի այն մարդիկ, ովքեր չունեն այդ 150 դրամը, իրենք հանգիստ երթեւեկում են 100 դրամով։ Տրանսպորտային համակարգը շատ լավ գործում է, կոլապս չկա, մարդիկ գնում են գործի, տրանսպորտը բնականոն աշխատում է»,- նշեց նա։
Մանրամասները՝ տեսանյութում
Կարդացեք նաև
Հայկ Մարությանն անդրադարձավ նաեւ հարցերին, թե ինչո՞ւ էր հասարակական տրանսպորտում իրեն հակադարձած քաղաքացուն ասել, որ թմրանյութի ազդեցության տակ է, ինչո՞ւ այլակարծություն չի հանդուրժում։ «Հենց սկզբից շատ ագրեսիվ վարքագիծ դրսեւորեց այդ մարդը, սկսեց հնչեցնել վիրավորանք ամբողջ ավտոբուսով մեկ։ Շատ տարօրինակ դա մեզ թվաց, մենք միանգամից հասկացանք, որ այդ մարդը գինովցած է, մոտեցանք, որպեսզի զրուցենք, ընդհանրապես ալկոհոլի հոտը չառանք, եւ միանգամից տրամաբանական հարց առաջացավ, որ կարող է այլ նյութերի ազդեցության տակ է։ Շատ անադեկվատ էր, եւ որպեսզի այդ սթափությունը գնահատենք, հարց տվեցի, ասացի՝ կներեք, դուք թմրանյութի ազդեցության տա՞կ եք»,- ասաց Մարությանը։
Մանրամասները՝ տեսանյութում
Հայկ Մարությանը հավելեց, որ եթե իշխանությունները բախումներ հրահրեն, դա միայն իրենց համար վատ կլինի։ Նա նաեւ կոչ արեց իշխանություններին խելքները գլուխները հավաքել, ուղեվարձը դարձնել 100 դրամ եւ համակարգը կոլապսի չտանել։
Մանրամասները՝ տեսանյութում
Ռոզա ՀՈՎՀԱՆՆԻՍՅԱՆ
