Երեւանում հասարակական տրանսպորտի թանկացման դեմ բոյկոտը շարունակվում է։ Այսօր վաղ առավոտվանից բոյկոտի գործողություններ են իրականացնում Երեւանի ավագանու ընդդիմադիր անդամներն ու քաղաքացիները։
Երեւանի ավագանու «Մայր Հայաստան» խմբակցության անդամ Գեւորգ Ստեփանյանն ասաց, որ ուսանողներն էլ են միացել բոյկոտի գործողություններին։ «Փաստորեն ուսանողությունն է մեզ ասում՝ դուք եկեք, միացեք մեզ։ Բոյկոտը շարունակվում է, ժողովուրդ ջան, երթեւեկեք անվճար, շնորհակալություն հայտնեք վարորդներին եւ իջեք»,- ասաց Գեւորգ Ստեփանյանը։
Մանրամասները՝ տեսանյութում
Կարդացեք նաև
«Ի վիճակի չենք վճարել, ինձ թոշա՞կ է ավելացրել, որ ամեն օր տոկոս ու հարկեր է բարձրացնում, բոլ եղավ էլի ջեբներս մտնեն, էս ժողովուրդը որտեղի՞ց տա»,- դժգոհեց քաղաքացիներից մեկը։
Ավագանու ընդդիմադիր անդամները կոչ են անում քաղաքացիներին ավտոբուսներով երթեւեկել անվճար, իսկ մետրոպոլիտենից մի քանի օր չօգտվել։ Նրանց կարծիքով՝ եթե ժողովուրդը միահամուռ բոյկոտեն, իշխանությունները կչեղարկեն տրանսպորտի սակագնի թանկացման որոշումը։
Մանրամասները՝ տեսանյութում
Ռոզա ՀՈՎՀԱՆՆԻՍՅԱՆ
