«Հարկ եմ վճարում, եղբայր, հարկատուներից մեկն եմ: 5 տոկոսից դառել է 10 տոկոս, բա էդքան տալիս եմ, էդքան զինվորի փող եմ տալիս, ո՞ւր է զինվորի պրոտեզը: Սրանց նմաններն են, էլի, մի հատ հլը հարց տուր՝ դու Նիկո՞լ ես, հերիք է: Նիկոլ են պաշտում: Սրանք Աստծուն թողել, Նիկոլ են պաշտում»,- տրանսպորտում այսօր այսպես արձագանքեց ուղեվարձերի թանկացումից դժգոհ մի քաղաքացի, որը դժգոհ է ոչ միայն տրանսպորտի, այլ հարկերի թանկացումից:
Թանկացումներին կողմ արտահայտվող մի քաղաքացի շտապեց դժգոհներին բաժանել քոչարյանականների:
«Հերիք է, Քոչարյան-մոչարյան, զոմբի եք դառել, հերիք է՝ պրծեք: Էս նորմալ ազգն էս ինչ է դառել: Ձեր հեռախոսներից դուրս եկեք, ձեր ուղեղներն աշխատեցրեք: Էս ազգը, երբ պիտի հասկանա, որ անդաստիարակի տղեն է կառավարում, իր հերն է, չէ՞ ասել համբալ: 2000 օփելի վարորդ կա, միասնական դուրս չեկան, որ հորը տրորեին»,- արձագանքեց մի տղամարդ:
Քաղաքացիներից եղան դիտարկումներ, որ քաղաքային իշխանությունները չունեն այդքան գրագիտություն հաշվարկեն՝ ի վերջո ինչքան կկազմի տրանսպորտի ինքնարժեքը:
Կարդացեք նաև
Ավագանու «Մայր Հայաստան» խմբակցության անդամ Սամվել Հակոբյանն էլ արձագանքեց, որ ամեն նոր խոսույթում տարբեր գներ են ասվում. «Անգրագետների կառավարած քաղաքը չի կարող չձախողել»:
-Իսկ ով կա գրագետ, որ գա ավելի լավ է կառավարելու,- հետաքրքրվեց մի ուղեւոր:
Ավագանու անդամը վստահեցրեց, որ նորմալ, գրագետ շատերը կան ու եթե ընդունեն աշխատանքի, ամեն ինչ տեղը կընկնի:
