Ավագանու «Մայր Հայաստան» խմբակցության անդամներն այսօր վաղ առավոտից կրկին հանրային տրանսպորտում սկսել են սակագների թանկացման դեմ բոյկոտի իրազեկումը:
«Ձեզ մանիպուլացնում են, ասում` առանց թանկացման տրանսպորտը չի կարող գործել: Դա սուտ է, արդեն ունենք ապացույց: Դեռ մեկ շաբաթ առաջ Ավինյանն ասում էր՝ մեկ ուղեւորման համար մինիմալ գինը 300 դրամ է, պարզվեց՝ 300-ից գնաց 150, հիմա մի քիչ էլ աշխատենք, կգնա 100: Ամեն ինչ թանկացնում են: Մի ամաչեք չվճարելուց»,- իրազեկեց ավագանու անդամը:
«Մենք դեմ ենք, դեմ, սոված մեռնում ենք: Մեղք ենք, էս ինչ վիճակ է: Տատին ո՞նց տա 150 դրամ, փող ունի՞, որ տա: Բա Տիգրանի ջեբը ո՞վ փող դնի, հոր ջեբը: Ես գյուղացի եմ, համբալներ, համբալը հերդ ու մերդ է: Օփել քշողը, դու ի՞նչ ես քշում, մեր քրտինքով ավտո ես առել: Ամբողջ կյանքը աշխատեցինք, մի հատ ավտո չկարողացանք առնել, հազիվ ուտելիքին ենք հասցնում»,- տրանսպորտում բորբոքվեց մի տարեց կին:
Այլ ուղեւորներ էլ էին դժգոհում թանկացումներից.
Կարդացեք նաև
«Քուր ջան, 150 դրամ դու էսօր առե՞լ ես, որ տրանսպորտը սարքել են 150 դրամ: Բա՞ մետրոն: Էն ուսանողներն ինչ ասեն, թանկացումը մի կողմից, ժամերով էլ սպասում են, որ մի ազատ ավտոբուս գա, բարձրանան, հասնեն դասի»:
