2017 թ․ Երեւանի քաղաքապետ Տարոն Մարգարյանն ուներ 4 տեղակալ, 1 գլխավոր խորհրդական, 7 խորհրդական, 5 օգնական, 4 օգնական էլ քաղաքապետի տեղակալն ուներ: Այն ժամանակ քաղաքապետը ստանում էր 575 000 դրամ աշխատավարձ, քաղաքապետի առաջին տեղակալը՝ 478 000 դրամ, մյուս տեղակալները՝ 443 000 դրամ: Նախկին քաղաքապետը մամուլում քննադատության էր ենթարկվում ուռճացված աշխատակազմ եւ քաղաքապետարանում բարձր աշխատավարձերի համար:
Մնացածը՝ լուսանկարում
Երեւանի ներկայիս քաղաքապետ Տիգրան Ավինյանը ստանում է 1 320 000 դրամ աշխատավարձ, նրա առաջին տեղակալը՝ 1 020 000 դրամ աշխատավարձ, 4 տեղակալներից յուրաքանչյուրը՝ 952 000 դրամ, 7 խորհրդականներից յուրաքանչյուրը՝ 629 000-ական դրամ, 4 օգնականները՝ 544 000-ական դրամ: Փաստորեն, օգնականները ստանում են համարյա այնքան աշխատավարձ, որքան Երեւան քաղաքապետը՝ հեղափոխությունից առաջ:
Կարդացեք նաև
Ամենախոսունը, սակայն, քաղաքապետարանի գործավարների աշխատավարձերն են, դրանք 2 եւ ավելի անգամ ավելի են, քան, դիցուք, ԵՊՀ կամ մանկավարժական համալսսարանի պրոֆեսորների աշխատավարձերը: Մասնավորապես ներկայումս Տիգրան Ավինյանի գործավարը ստանում է 357 000 դրամ աշխատավարձ, քաղաքապետի տեղակալի գործավարը՝ 261 800 դրամ: Ընդ որում՝ Տիգրան Ավինյանն ունի 2 գործավար, իսկ նրա բոլոր տեղակալների գործավարների թիվը 5 է:
Գոհար ՀԱԿՈԲՅԱՆ
