«Խաղադրույքներն արգելել չի լինի, որովհետև դա գործունեության մի ձև է, որը աշխարհի բոլոր երկրներում կա»,-փաստմանը՝ 2024-ին մեր երկրում 18 միլիարդ դոլարի խաղադրույքներ են կատարվել, ձեր բոլոր նախաձեռնությունները՝ գովազդի արգելք և այլն, փաստորեն, անօգուտ են եղել․ մարդիկ շարունակում են խաղալ և հարցին՝ ինչո՞ւ ՀՀ-ում չեք արգելում շահումով խաղերի գործունեությունը, քանի որ այն սպառնում է ազգային անվտանգությանը և ազգի գոյատևմանը, մամուլի ասուլիսի ժամանակ այսպես պատասխանեց ՀՀ վարչապետ Նիկոլ Փաշինյանը։
Նա պատճառաբանեց՝ ուրիշ երկրում կանեն, ՀՀ-ից չեն անի․ «էդ նշանակում է, որ ինտերնետը պիտի սահմանափակենք։ Համոզված եմ, որ դա կհամարեն բռնապետական հերթական քայլը։ Խաղադրույքների հետ կապված կարգավորումներ ենք արել։ ԶՈւ, իրավապահ մարմիններում խաղադրույքներ կատարելու դեպքում դա հիմք է, որ եթե տենց բան բացահայտվել է, մարդկանց աշխատանքային պայմանագրերը ուղղակի խզում են։ Գովազդները համատարած արգելել ենք՝ այդ թվում ինտերնետային լրատվամիջոցներին, բայց սև ինտերնետում չեմ բացառում, որ կան գովազդներ։ Բայց մյուս կողմից նույն կազինոն․ մենք չենք կարող արգելել գործունեության էս տեսակը։ Բոլոր երկրներում էլ կա։ Այլ խնդիր է, որ մարդը, ով ունի գումար, գիտակցված գնում, անում է, իր համար պետք է խոչընդոտներ ստեղծենք»։
Մանրամասները՝ տեսանյութում
Կարդացեք նաև
Տաթև ՀԱՐՈՒԹՅՈՒՆՅԱՆ
