«Իմ գլխին ոչ մեկ զենք չէր դրել ու չէր կարող դնել։ Եթե ես նոյեմբերի 9-ի փաստաթուղթը չստորագրեի, 25000-26000 զինվոր հայտնվելու էր շրջափակման մեջ։ Եթե հարցը իմ գլխին դրված լինելը լիներ, իմ գլխին դրված լիներ զենք, դրա բերումով ոչ որևէ գործողություն երբևէ արել եմ, ոչ էլ որևէ գործողություն երբևէ կանեմ»,-հարցին՝ Ալիևը, Էրդողանը զենքը դրել, ստիպում են բանակցությունների օրակարգից հանե՞ք ցեղասպանության հարցը, մամուլի ասուլիսի ժամանակ այսպես պատասխանեց ՀՀ վարչապետ Նիկոլ Փաշինյանը։
Լրագրողները հարցրին՝ ինչո՞ւ եք ուզում հետ գնալ, Նիկոլ Փաշինյանը պատասխանեց․ «Ես ասում եմ՝ առանց լրացուցիչ գործոնների մենք պետք է մեզ հարց տանք, թե ոնց է եղել, որ ԽՍՀՄ-ը մեր ընկալմամբ՝ մեր ազգային ինքնագիտակցությունը ճնշել է։ Ես ասում եմ՝ մենք հարց պիտի տա՞նք, թե՝ ոչ՝ ո՞նց է եղել, որ ԽՍՀՄ-ը 1965-ին, դրան նախորդած գործընթացների արդյունքում կառուցել է Ծիծեռնակաբերդի հուշահամալիրը։ Այդ հարցը մեզ պիտի տա՞նք, թե՝ ոչ։ Ու հարցի շարունակությունը հետևյալն է՝ դա կարո՞ղ էր կապ ունենալ Սառը պատերազմի հետ, երբ Թուրքիան հայտնվում էր արևմտյան բլոկում։ Փաստ է, որ հենց 1945-1946-ին Ստալինն ինքը այդ հարցերը բարձրացրել է՝ ընդհուպ հողային հարցեր։ Այս՝ իմ ասածը որևէ ձևով կարո՞ղ է պատասխանի որևէ տարբերակ ունենալ։ Այդ հարցի պատասխանների հնարավոր տարբերակներից հնարավո՞ր է մեկը, որ Մեծ եղեռնը կասկածի տակ դնի։ Չի կարող տենց հարցի պատասխան լինել։ Այս հարցը ուրիշ բանի համար է, որ մենք ի վերջո ռեֆլեքսիայի ենթարկենք աշխարհը և մեր շուրջ տեղի ունեցած գործընթացները և արդյոք աշխարհի ընկալման՝ մեր բանաձևերը ճի՞շտ են, թե՝ ոչ։ Ստեղ էլ պատասխան չունեմ։ Կարող է քննենք ու հասկանանք՝ ճիշտ ենք ընկալում աշխարհն էլ, տարածաշրջանն էլ, մեր շահերն էլ։ Իմ ասածը որևէ ձևով, ոնց ուզում ենք ձևակերպենք, առնչություն չունի այն թեմայի հետ, որը Դուք բարձրացնում եք, առնչություն չունի փաստի՝ լինել-չլինելու հետ։ Առնչություն չի կարող ունենալ ոչ միայն դե ֆակտո, այլև դե յուրե, բարոյական առումով, քաղաքական առումով չի կարող ունենալ»։
Տաթև ՀԱՐՈՒԹՅՈՒՆՅԱՆ
