Բիբլոս Բանկ Արմենիան արժանացել է Mastercard-ի մրցանակին՝ պրեմիում դասի առաջարկներում գերազանցության համար։
Հունվարի 17-ին՝ Mastercard-ի հատուկ միջոցառմանը, Բանկը լավագույնն է ճանաչվել «Excellence in Premium Value Proposition» անվանակարգում, որտեղ ներկայացված են պրեմիում դասի քարտերն ու ծառայությունները։
2022 թ․ Բիբլոս Բանկ Արմենիան իր Հաճախորդներին ներկայացրեց World Elite Mastercard պրեմիում դասի քարտը, ոըը բազմաթիվ արտոնություններ է տրամադրում քարտապաններին ինչպես Հայաստանում, այնպես էլ արտերկրում։ World Elite քարտը Mastercard համակարգում ամենաբարձր դասի պրեմիում քարտատեսակն է, իսկ Բիբլոս Բանկ Արմենիայի քարտապաններին և նրանց հյուրերին հասանելի է առավելությունների ամենաընդգրկուն փաթեթը։
«Բանկի բոլոր առաջարկների կենտրոնում հաճախորդներն են, նրանց հարմարավետությունն ու գոհունակությունը։ Բանկը պարբերաբար համալրում և կատարելագործում է քարտապաններին տրամադրվող պրեմիում դասի առաջարկները՝ ներդնելով նոր ծառայություններ և ընդլայնելով արտոնությունների փաթեթը»,- նշեց Բանկի Գործառնական վարչության ղեկավար Սերգեյ Կարախանյանը։
Կարդացեք նաև
Բիբլոս Բանկ Արմենիա ՓԲԸ-ն հիմնադրվել է 2007 թվականին։ Այսօր Երևան քաղաքում գործում է Բանկի չորս մասնաճյուղ, որտեղ հաճախորդներն օգտվում են տարատեսակ բանկային ծառայություններից և ստանում ֆինանսական խորհրդատվություն։ Բանկն իր հաճախորդներին տրամադրում է միջազգային ստանդարտներին համապատասխան կորպորատիվ և մանրածախ բանկային ծառայություններ:
