«Ազգային առաջընթաց» խմբակցությունը չի մասնակցի իշխանությունների հրավիրած ֆիկտիվ նիստին:
Սիրելի’ երևանցիներ, «Քաղաքացիական պայմանագիր» և «Հանրապետություն» կուսակցությունների իշխող կոալիցիան, լեգիտիմության բացակայության պայմաններում հաշվի չնստելով ընդդիմադիր խմբակցությունների կարծիքի հետ, շարունակում է մեր քաղաքի և երևանցիների համար վնասակար որոշումների ընդունումը։
Ավելին, անտեսելով շուրջ 80 000 քաղաքացիների ստորագրությամբ պահանջագիրը և այդպես էլ օրակարգ չբերելով «Ազգային առաջընթաց» խմբակցության նախագիծը, ըստ որի մեկ ուղևորության համար քաղաքացին կվճարի 100 դրամ, իշխող կոալիցիան արհամարհում է հանրային կարծիքը և զբաղված է «որքան ուզենք կխփենք»-ով։
Մերժելով իշխանության հետզհետե լկտիացող ոճը, քաղաքացիներից գումար կորզելու անհիմն որոշումները՝ «Ազգային առաջընթաց» խմբակցությունը չի մասնակցի հունվարի 31-ին հրավիրվող արտահերթ նիստին, չի ապահովի իշխանության համար բաղձալի քվորումը։
Կարդացեք նաև
Կոչ ենք անում ավագանու ընդդիմադիր ուժերին ՉԱՊԱՀՈՎԵԼ ՔՎՈՐՈՒՄ՝ ելնելով Երևան քաղաքի և երևանցիների լավագույն շահից։
Ազգային առաջընթաց
