«Ջրծաղիկի վտանգավոր բռնկումային իրավիճակ ես չեմ հիշում վերջին տարիներին։ Ամեն տարի մենք ունենում ենք դեպքեր, եւ մեր քաղաքականությունն ուղղված է, որպեսզի պատվաստումների միջոցով կանխարգելենք այս հիվանդությունը, որն իրականում վնասում է առողջությունը, մարդկանց աշխատունակության վրա է ազդում»,- կառավարության այսօրվա նիստից հետո լրագրողների հետ ճեպազրույցում ասաց առողջապահության նախարար Անահիտ Ավանեսյանը։
Նա նշեց, որ այս տարի փետրվարից իրականացնելու են ջրծաղիկի պատվաստումները։ Ըստ նախարարի՝ պատվաստանյութերի երկու խմբաքանակ ստացել են։
Անահիտ Ավանեսյանը, անդրադառնալով բուժհիմնարկների մեծ կատարողականի մասին իր գրառմանը, ասաց, որ դեկտեմբերի առաջին 15 օրվա համար բուժհիմնարկներն ունեցել են շատ ավելի մեծ կատարողական, քան միջին ամսական կատարողականն էր մինչ այդ։ «Սա նշանակում է, որ մենք ունենք հարցեր, թե այդ կատարողականն ինչու է որոշ ծրագրերի մասով ավելին եղել։ Եվ այս ընթացքում ուսումնասիրություններ ենք իրականացնում։ Մինչեւ փետրվարի ֆինանսավորումը, այս բոլոր ուսումնասիրությունները կավարտվեն, եւ ըստ արդյունքների կիրականացվի ֆինանսավորումը»,- նշեց նա։
Մանրամասները՝ տեսանյութում.
Կարդացեք նաև
Ռոզա ՀՈՎՀԱՆՆԻՍՅԱՆ
