Քաղաքագետ Հրանտ Մելիք-Շահնազարյանի համոզմամբ՝ մեր խնդիրը ռազմաքաղաքական առաջնորդության վերականգնումն է:
«Ունենալ այնպիսի առաջնորդություն, որը հստակ խնդիրներ կդնի մեր ԶՈՒ առջեւ ու հետամուտ կլինի, որ այդ խնդիրները կատարվեն: Մեր բանակն այդ պոտենցիալն ունի, նույնիսկ այս վիճակով՝ այսքան լքված, այսքան հարվածներ ստացած՝ թե՛ թիկունքից, թե՛ դիմացից»,- այսօր լրագրողների հետ զրույցում ասաց քաղաքագետը:
Անդրադառնալով Նիկոլ Փաշինյանի կողմից արված հայտարարությանը, թե դեռ պետք է ցեղասպանության պատմությանն էլ վերադառնանք, պետք է հասկանանք՝ լավ, ի՞նչ է տեղի ունեցել, ինչո՞ւ է տեղի ունեցել, ո՞նց է, որ 1939 թվին հայոց ցեղասպանության օրակարգ չի եղել եւ ո՞նց է, որ 1950 թվին հայոց ցեղասպանության օրակարգ հայտնվել է, պարոն Մելիք-Շահնազարյանը նկատեց. «Վատ լուրն այն է, որ Փաշինյանը հասկացել է՝ ինչպես կարելի է կոտրել, ոչնչացնել մեր ժողովրդի պայքարը: Դա նրան, հնարավոր է, հասկացրել են նրանք, որոնք կարողացել են մեկ անգամ անել 1915-ին»:
Կարդացեք նաև
Արփինե ՍԻՄՈՆՅԱՆ
