«Ազատություն». Ուկրաինայի պաշտպանության նախարար Ռուստեմ Ումերովի դեմ քրեական գործ է հարուցվել պաշտոնեական դիրքի չարաշահման կասկածանքով, մեղքը հաստատվելու դեպքում նրան 3-6 տարվա ազատազրկում է սպառնում: Այս մասին հայտնում է «Ազատության» ուկրաինական ծառայությունը։
Աղբյուրի համաձայն՝ քրեական գործի հիմքում նախարարի որոշումն է, որով նա մերժել է մեկ տարով երկարաձգել պաշտպանական գնումների գործակալության տնօրեն Մարինա Բեզրուկովայի պայմանագիրը՝ նրան մեղադրելով բանակի մատակարարումների հետ կապված խնդիրների համար։
Ումերովը նաև աշխատանքից ազատել է վերահսկող խորհրդի երկու անդամների, ովքեր կողմ են քվեարկել պայմանագրի երկարաձգմանը։
Պաշտպանական գնումների գործակալություններում վերահսկիչ խորհուրդների ստեղծումը ՆԱՏՕ-ի հանձնարարականն է, որի նպատակը կառույցները արտաքին ճնշումներից զերծ պահելն է։
Կարդացեք նաև
Նյութն ամբողջությամբ՝ սկզբնաղբյուր կայքում:
