Ադրբեջանագետ Տաթեւիկ Հայրապետյանը Տելեգրամի իր ալիքում գրում է.
Ադրբեջանական մամուլը այսօր կեղծ ու անհեթեթ տեղեկություն էր տարածել Վարդանյանի մասին, որն աբսուրդի ժանրից էր, հիմա դրել ժխտում են, քանի որ գիտեն, որ խայտառակ են եղել, բայց մոռացել են մի կարևոր «նյուանս»՝ իրենք, ոչ թե սխալվել են, այլ կարծել են, որ իրենց հիմարությունը ոչ մի արձագանք չի գտնի։
Իրենց մամուլը տեղեկություն դնում է միայն, երբ «վերևներից» հաստատում են, այնպես որ սխալմունք չկար, ուղղակի սեփական աբսուրդ ինֆորմացիան որոշեցին ժխտել․․․
Շատ ուշագրավ է այս թեման, որովհետև իրենց իսկ տարածած անհեթեթությունը ժխտելով՝ ադրբեջանական կողմը նոր անհեթեթություն է հորինում։ Ռուբեն Վարդանյանի հետ կապված այս կեղծ նյութը տարածել են Վարդանյանի շինծու «դատավարության» ավարտից մոտ մեկ ժամ անց՝ մոտավորապես 14:00-ի կողմերը։
Կարդացեք նաև
Իսկ Արայիկ Հարությունյանի ու մյուսների շինծու «դատավարությունը» սկսել է դրանից երկու ժամ անց՝ 16:00-ին։ Հիմա ասում են դա շփոթմունք է եղել, այսինքն՝ երկու ժամ առաջ շփոթված անհեթեթ ինֆորմացիա են տարածել մի բանի մասին, որը տեղի էր ունենալու երկու ժամ հետո: Ինչպիսի՜ շփոթմունք․․․
