«Դատական հայցը վերաբերում էր «Ֆոտոլուրի» հեղինակային լուսանկարների անօրինական օգտագործմանը: «Սկիզբ Մեդիա Կենտրոն» ՍՊԸ-ի 1in.am լրատվականը անսահմանափակ քանակի լուսանկարներ էր օգտագործել՝ որոշ դեպքերում «Ֆոտոլուրի» լոգոն ջնջելով, որոշ դեպքերում՝ թողնելով: Բոլոր մեր նախազգուշացումները՝ գրավոր, բանավոր, ոչ մի արդյունք չէին տալիս, դրա համար որոշեցինք դիմել դատարան: Ինձ բավականին օգնեց փաստաբան Անի Դավթյանը: Դատարանում լսվեց մեր բողոքը եւ մեր հայցը բավարարվեց»,- «Արմենպրեսի» մամուլի սրահում կայացած ասուլիսում նշեց «Ֆոտոլուրի» տնօրեն Մելիք Բաղդասարյանը՝ կատարվածը նախադեպային որակելով:
«Ոչ միայն իմ, այլեւ ընդհանրապես բոլորի լուսանկարները հիմնականում անօրինական են օգտագործում: Մեր մասին նշեմ, որ բավականին շատ կայքեր կան, որոնք անօրինական օգտագործում են, եւ բոլոր բանավոր զգուշացումները ոչ մի բանի տեղ չեն անցնում: Լավագույն դեպքում՝ այդ օրվա նկարը հանում են, հետո էլի նույն ձեւով շարունակում իրենց աշխատանքը: Անձամբ ես բավականին հետեւողական հետեւելու եմ, ինչքան էլ որ դժվար լինի: Ցավոք, Հայաստանում լուսանկարների օգտագործման կուլտուրան բավականին ցածր է, չեն ընդունում, որ լուսանկարն արժեք ունի, այն մարդիկ են ստեղծում, դրանք հեղինակային իրավունք ունեն: Պատճառաբանում են, թե ինտերնետից են վերցրել: Բայց լուսանկարն ինտերնետում հենց այնպես դրված չի, որ դու վերցնես՝ քո լրատվական կայքում օգտագործես»,-ասաց «Ֆոտոլուրի» տնօրենը:
«Եթե լուսանկարը համացանցից ես վերցրել, դա չի նշանակում, որ ոչ մի խնդիր չկա, այն չունի ունի հեղինակային իրավունք կամ չպետք է փորձեք ստանալ դրա օգտագործման թույլտվությունը: Մեր դեպքում հեղինակային իրավունքի խախտում էր: Ընդ որում, նախապես ծանուցել էինք հեղինակային իրավունքի խախտման մասին, որից հետո միայն դիմել ենք դատարան»,-նշեց փաստաբանը:
Մանրամասն՝ տեսանյութում.
Կարդացեք նաև
Գոհար ՀԱԿՈԲՅԱՆ
