«Բարեւ ձեզ, տեղը չե՞ք բերում, վարչապետն է»,- այսօր այս հեգնական արտահայտությամբ կառավարության շենքի մոտ հավաքված փոքր ու միջին ձեռներեցներին միացավ մի տղամարդ:
«Էն երկու միլիոն վարչապետերից մե՞կը»,- հեգնեց մեկ այլ ցուցարար:
«Վարչապետ» ներկայացած տղամարդը սկսեց նաեւ ներկայացնել իրենց գործողությունների պլանը. «Ուրեմն հավաքվում ենք, ժողովուրդ, ոչ մի կոպեկ չենք մուծում: Ո՛չ տրանսպորտ, ո՛չ հայտարարագիր, ո՛չ մի բան, ո՛չ տասը տոկոս, ոչ էլ «դալաժիտ» (զեկուցում.-խմբ) ենք անում՝ ինչի: Վերջ, սրանց պետք է հանվի, դրվի էն կողմ, որովհետեւ սրանց կուրսը Թուրքիան է: Ոչ մի կոպեկ սրանց»,- ասաց ցուցարարը:
Հիշեցնենք, որ ՓՄՁ ներկայացուցիչները հարկային թանկացումների վերանայման պահանջով բողոքի ցույց են անում կառավարության շենքի դիմաց:
Կարդացեք նաև
Ցուցարար տղամարդը մեջբերեց նաեւ ԱԺ նախագահ Ալեն Սիմոնյանի ասածները, թե մինչեւ պաշտոնավարումն ավելի լավ է ապրել. «Հայրենասեր է, հայ է, 200.000 դրամի համար եկել են, վիզ են դրել: Կլինի՞ մեկ միլիոն տանք մի աշխատի, ես գամ ԱԺ նախագահ»:
Արփինե ՍԻՄՈՆՅԱՆ
