Բելառուսի նախագահ Ալ. Լուկաշենկոն հայտարարել է, որ Հայաստանի վարչապետ Նիկոլ Փաշինյանն ինքն է իր հայտարարություններում ընդունել Ադրբեջանի տարածքային հավակնությունները, երբ կարող էր այդպես չանել:
«Փաշինյանն ինքը հրաժարվեց Լեռնային Ղարաբաղից։ Թեև այդ պահին Իլհամը պատրաստ էր համաձայնել, որ դա տարածք է, որտեղ Հայաստանը լուրջ ազդեցություն կունենա։ Բայց ահա այսպիսի նվեր։ Ո՞վ չէր օգտվի: Ե՞ս ինչ կապ ունեմ։
Հանգստացրեք նրան այնտեղ: Նա կկործանի Հայաստանը։ Նա նաև իր դեմ է տրամադրում Ռուսաստանին»։
Կարդացեք նաև
«ՉԻ». Հանգստացրեք Ալ. Լուկաշենկոյին: Նա կկործանի Նիկոլ Փաշինյանին:
Հլը տեսեք՝ ինչեր է ասում: Ո՞նց թե Փաշինյանն է հրաժարվել Լեռնային Ղարաբաղից ու այն նվիրել Ալիևին:
Վռազ երևում է, որ ո՛չ Նիկոլ Փաշինյանի փոդքաստներն է նայում, ո՛չ ստատուսներն է կարդում, թե չէ կիմանար, որ համաձայն իշխանական պրոպագանդայի՝ Հայաստանը Ղարաբաղից հրաժարվել է 1991 թվականին: Ավելի ճիշտ՝ 1992-ին: Իսկ եթե ավելի կոնկրետ՝ 1994-ին: Հստակ կարելի է ասել՝ 1996-ին: Միանշանակ՝ 1998-ին: Կամ՝ 1999-ին: Հարյուր տոկոսով՝ 2006-ին: Վերջնական հրաժարվել է 2016-ին:
Ու հիմա Լուկաշենկոն փոզմիշ է անում այդ պրոպագանդան: Ջուր ու նավթ է լցնում բոլոր նախկին իշխանությունների ջրաղացին:
Մեկնաբանությունը՝ «Չորրորդ իշխանություն»-ից
