Ադրբեջանի արտաքին գործերի նախարարության մամուլի խոսնակ Այխան Հաջիզադեն, պատասխանելով Ֆրանսիայի արտգործնախարար Ժան Նոել Բարոնի հայտարարությանը, X սոցիալական ցանցում գրել է․
Ֆրանսիայի արտգործնախարար Ժան-Նոել Բարոնի մեկնաբանությունը, որով Ադրբեջանը մեղադրվում է անդրծովյան տարածքների գործերին միջամտելու մեջ, Ֆրանսիայի կողմից փորձ է թաքցնել իր անգործությունը Նոր Կալեդոնիայի բնիկ բնակչության պահանջների ուղղությամբ։ Ֆրանսիան էր, որ մշտապես միջամտում էր տարածաշրջանային խնդիրներին և փորձում խաթարել Ադրբեջանում խաղաղության ու կայունության վերականգնման գործընթացը։ Բաքվի նախաձեռնող խումբը ձգտում է հանրությանը փոխանցել Ֆրանսիայի գաղութատիրական քաղաքականությունը և նրա խնդիրները անդրծովյան տարածքներում։
Նման խմբերի աշխատանքը վարկաբեկելու փորձերը թուլացնում են ապագաղութացման գործընթացը։ Նոր Կալեդոնիայի բնիկ բնակչության դեմ ռեպրեսիվ քաղաքականությունը դադարեցնելու փոխարեն, որի հետևանքով անցյալ տարի զոհվեց առնվազն 14 մարդ և վիրավորվեցին շատերը, Ադրբեջանի դեմ շանտաժը ցույց է տալիս, թե որքան թույլ է Ֆրանսիայի արտաքին քաղաքական ռազմավարությունը:
Մենք կտրականապես մերժում և դատապարտում ենք Ֆրանսիայի արտգործնախարարի հակաադրբեջանական հայտարարությունները։
Կարդացեք նաև
The comment by the Foreign Minister of France @jnbarrot accusing Azerbaijan in overseas territories interference is an overt attempt to cover up France’s inaction vis-a-vis demands of indigenous population of New Caledonia.
— Aykhan Hajizada (@Aykhanh) January 25, 2025
It was France that has always interfered into the… https://t.co/Xgre4utWiG
