«Մենք պետք է մեր ճշմարտություններին վերադառնանք: Էն, ինչ որ մենք համարում ենք ճշմարտություն, դա ճշմարտությո՞ւն է, թե չէ: Մեր ինքնության ամենակարեւոր մասն է. մենք ցեղասպանության պատմությանն էլ պետք է վերադառնանք: Պետք է հասկանանք. լավ, ի՞նչ է տեղի ունեցել, ինչո՞ւ է տեղի ունեցել: Եվ ինչպե՞ս ենք դա ընկալել, ո՞ւմ միջոցով ենք ընկալել: Ո՞նց է, որ 1939 թվին հայոց ցեղասպանության օրակարգ չի եղել եւ ո՞նց է, որ 1950 թվին հայոց ցեղասպանության օրակարգ հայտնվել է: Ո՞նց է եղել դա, մենք պե՞տք է հասկանանք: Էս թեմաների հետ պե՞տք է հարաբերվել: Մենք մեր ինքնությունը կառավարո՞ւմ ենք, թե մենք մեր ինքնությունը չենք կառավարում: Ստեղ են հարցերը: Ընդ որում, սրանք ֆունդամենտալ հարցեր են, որոնք պետք է հասկանանք, որ մեր խնդիրները լուծենք: Այսօր մեր սիրելի հայրենակիցներն ասում են՝ Հայաստանի Հանրապետությունը արեւմտահայերենի հետ կապված պետք է ծրագրեր անի: Ես դեմ չեմ: Եկեք հասկանանք՝ ի՞նչ ծրագրեր: Բայց ստեղի պրոբլեմը պետք է հասկանան՝ էն, ինչ-որ տեղի է ունեցել այստեղ: Մեր պատմությունը, մեր ինքնությունը պետք է հասկանանք»,-Շվեյցարիայի հայության մի խմբի հետ հանդիպման ժամանակ ասաց Նիկոլ Փաշինյանը:
Աշոտ ՀԱԿՈԲՅԱՆ
