Թյուր կարծիք է, ռուսական նարատիվ է, որ ԵՄ-ը կամ ԵՄ որեւէ երկիր որեւէ բան է պարտադրում ՀՀ-ին ինչ-որ բանի դիմաց: Այս մասին այսօր «Միասին հանուն խաղաղության եւ ժողովրդավարության» թեմայով պանելային քննարկման հարցուպատասխանի ժամանակ ասաց ԱԺ նախագահ Ալեն Սիմոնյանը:
Նրա խոսքով՝ ՀՀ-ն ինքն է ընտրություն կատարել ու կատարում. «Մենք շատ ավելի առաջ ենք գնացել, քան ԵՄ-ը մեզ այս պահին կարող է առաջարկել: ՀՀ «պահանջները» պատրաստակամությունը շատ ավելի բարձր է, քան ԵՄ պատրաստակամությունը՝ լինի դա տեխնիկական, թե քաղաքական պատճառներով: ԵՄ որեւէ երկիր ՀՀ-ին որեւէ երկրի հետ կապ խզելու պահանջ երբեւէ չի դրել: Հակառակը՝ հաճախ ԵՄ որոշ երկրներ մեզ փորձել են զսպել շատ այլ քայլերից»:
Անդրադառնալով ՌԴ-ից Հայաստանի տնտեսական կապվածությանը՝ Ալեն Սիմոնյանը հաստատեց՝ այո, դա գոյություն ունի. «Երբ ժամանակը կգա, կքննարկենք բոլոր գործընկերների հետ ու կհասկանանք ՝ ինչ լուծումներ կարող ենք տալ: Միաժամանակ զբաղվում ենք մեր բոլոր ոլորտների դիվերսիֆիկացիայով ու շարունակելու ենք, որ մենակ մի երկրից կախվածություն չունենանք»:
Կարդացեք նաև
Արփինե ՍԻՄՈՆՅԱՆ
