Երբ խոսում ենք ժողովրդավարության մասին, պետք է ժողովրդավարությանը նայենք անվտանգային կետից, որովհետեւ ՀՀ համար գլխավոր մարտահրավերը անվտանգությունն է: Այսօր այս մասին «Միասին հանուն խաղաղության եւ ժողովրդավարության» թեմայով պանելային քննարկման ժամանակ ասաց ԱԺ նախագահ Ալեն Սիմոնյանը:
«Ժողովրդավարությունը անվտանգությունը բերում է ՀՀ սահմաններ, հետեւաբար սկզբում մենք սպասում էինք՝ ինչ արձագանք կտան անվտանգային համակարգերը, օրինակ՝ ՀԱՊԿ-ը, բայց չլսեցինք ոչինչ, որ կկարողանար հողի վրա ինչ-որ բան փոխել: Փոխարենը տեսանք՝ ուղիղ հասցեագրված հայտարարություններ ժողովրդավարական պետություններից: Վստահ եմ, որ հողի վրա դա շատ բան է փոխում:
Այսօր լինել ժողովրդավար պետություն ՀՀ համար անվտանգային մեծագույն համակարգ է հանդիսանում: Այսօր հուսով եմ՝ բոլորը հասկանում են, որ եթե հարձակվում եք ՀՀ վրա, հարձակվում եք ժողովրդավար պետության վրա, եթե հարձակվում եք ՀՀ վրա, հարձակվում եք ժողովրդավարական արժեքների վրա»,- ասաց Ալեն Սիմոնյանը:
Կարդացեք նաև
Արփինե ՍԻՄՈՆՅԱՆ
