Լրահոս
Օրվա լրահոսը

Մեր երկրների միջեւ կա կառուցողական, քաղաքական երկխոսություն. Ղրղզստանի ԱԳ նախարար

Հունվար 23,2025 15:35

Լսել նյութի աուդիո տարբերակը

Ձայնագրությունը գեներացված է Armenian Text to Speech արհեստական բանականության միջոցով, որն այս պահին գտնվում է թեստավորման փուլում

«Այս այցը շատ լավ հնարավորություն է քննարկելու երկկողմ օրակարգի բոլոր հարցերը, ուրվագծելու, նախանշելու, մեր հարաբերությունները, տարբեր ոլորտներում խորացնելու նոր ուղիներն ու հնարավորությունները, ինչպես նաեւ անդրադառնալ, վերլուծել եւ կիսվել միջազգային օրակարգի եւ տարածաշրջանի օրակարգերի վերջին իրադարձություններով Ղրղզստանի ԱԳ նախարար Ժեենբեկ Կուլուբաեւի հետ համատեղ ասուլիսում նշեց ՀՀ ԱԳ նախարար Արարատ Միրզոյանը:

«Ղրղզստանի Հանրապետության համար Հայաստանի Հանրապետության հետ եղած կապերն իսկապես շատ կարեւոր են, դրանց հիմքում երկու ազգերի միջեւ բարիդրացիական հարաբերություններն են: Ես վստահ եմ, որ սա հնարավորություն կընձեռի այս այցի շրջանակներում էլ ավելի բարելավել մեր հարաբերությունները, գտնել նոր հնարավորություններ համագործակցության համար՝ բավական լայն առումներով»,-նշեց Ժեենբեկ Կուլուբաեւը:

Նրա խոսքով, նախ եւ առաջ ցանկություն ունեն ավելի լայն համագործակցություն սկսել տնտեսական ոլորտում: «Ուրախությամբ եմ նշում, որ հայ-ղրղզական հարաբերություններն արդեն երկար տարիներ բարիդրացիական են, եւ մեր երկրների, պետությունների միջեւ կա կառուցողական, քաղաքական երկխոսություն, նաեւ կա այն իրավական հիմքը, որն իր մեջ ներառում է միջկառավարական տարատեսակ հանդիպումներ, համագործակցություններ՝ տարատեսակ հարթակներում»,-հավելեց Ժեենբեկ Կուլուբաեւը:

Մանրամասն՝ տեսանյութում.

 Գոհար ՀԱԿՈԲՅԱՆ

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Հունվար 2025
Երկ Երե Չոր Հնգ Ուրբ Շաբ Կիր
« Դեկ    
 12345
6789101112
13141516171819
20212223242526
2728293031