Երկու օր առաջ LBCI-ն տեղեկատվություն տարածեց, որով տեղեկացանք, որ Միշել դե Շադարեւյանը նշանակվել է Լիբանանի Հանրապետության նախագահի խորհրդական դիվանագիտական հարաբերությունների գծով: Հարցազրույց Լիբանանի վետերան, քաղաքական գործիչներից Միշել դե Շադարեւյանի հետ:
– Պարոն Շադարեւյան, ցանկանում եմ պարզել Լիբանանի եւ Իսրայելի միջեւ ժամանակավոր զինադադարի պայմանագիրը:
– Երեք կողմերը դա տարբեր կերպ են մեկնաբանում. Հըզբոլլահն ասում է, որ իր կողմից պահանջվածը կատարել է, եւ իրենց կողմից հետագա գործողությունների կարիք չկա, Իսրայելը պնդում է, որ գործարքը պետք է իրականացվի, հակառակ դեպքում նորից հարձակվելու է:
Հըզբոլլահի լիբանանյան քաղաքական մրցակիցները պահանջում են, որ Հըզբոլլահը լրջորեն վերաբերվի այս համաձայնությանը:
Կարդացեք նաև
– Կարո՞ղ եք մեզ լուսաբանել այս համաձայնագրի մանրամասները:
– Մի խոսքով, այս պայմանագիրը Հըզբոլլահի հանձնումն է, ինչ էլ որ այն անվանի՝ պարտություն, ժամանակավոր նահանջ, հաղթանակ։
Այն հիմնված է ՄԱԿ-ի 1710 բանաձեւի վրա՝ եւ Հըզբոլլահը հանձնի իր զենքը:
Հըզբոլլահների դաշնակից Լիբանանի խորհրդարանի նախագահը բանակցել է եւ հավանություն տվել այս համաձայնությանը, որը ոչ միայն հիմնված է 1701 բանաձեւի վրա, այլեւ այն վերադառնում է միայն ՄԱԿ-ի 1680 եւ 1559 բանաձեւերին, որտեղ հստակ ասվում է, որ Լիբանանում միայն լեգիտիմ են ազգային զինված ուժերը՝ լիբանանյան բանակը։ Ներքին անվտանգության ուժերը զենք կրելու իրավունք կունենան:
Պայմանագրում հստակ, որոշակի բաժիններ կան, որոնք նշում են, թե ով իրավունք ունի զենք կրելու՝ նրանց անունները մեկ առ մեկ, մինչեւ վերջին մանրամասնությամբ նշված է:
Նախկինում Հըզբոլլահը հնարավորություն ուներ իր զենքերը հանձնել լիբանանյան բանակին, սակայն նրանք հրաժարվեցին դա անել, ինչը հանգեցրեց իսրայելական այս ավերիչ ռազմական գործողությանը Լիբանանին դեմ:
Ներկայում իդեալական լուծումն այն է՝ որ Հըզբոլլահն իր զենքերը հանձնի լիբանանյան բանակին: Եթե նրանք հրաժարվեն դա անելուց, ապա դա թանկ կնստի իրենց վրա, համաձայնագրի իրագործվելու հսկողությունը վստահված է ամերիկացի եւ ֆրանսիացի սպաներին, ինչը նշանակում է, որ այդ զենքերը բռնի ուժով խլել իրենցից:
– Դուք մտավախություն ունե՞ք, որ եթե լիբանանյան բանակը փորձի խիստ վարվի Հըզբոլլահի հետ, վերցնելով նրա զենքերը, դա կհանգեցնի Լիբանանի քաղաքացիական պատերազմի։
– Ոչ, այսօր Հըզբուլահը շատ լավ գիտի, որ իր բոլոր անցուղիները արգելափակված են, եւ նա չի կարող նոր զենք ձեռք բերել, նրա զինանոցը կսպառվի, սիրիական սահմանը փակ է:
Հարցազրույցը՝ Պետրոս ՄԱՆՈՒԿՅԱՆԻ
«Առավոտ» օրաթերթ
22.01.2025
