Ինչպես հայտնի է՝ Շվեյցարիայի արտաքին հարաբերությունների հանձնաժողովը կողմ է քվեարկել արցախահայերի վերադարձի իրավունքի համար միջազգային համաժողով կազմակերպելուն։ Դրանից առաջ՝ նախորդ տարվա դեկտեմբերին էլ ստորին պալատն էր քվեարկել կողմ այս նախագծին։
ԱԺ-կառավարություն հարցուպատասխանի ժամանակ «Հայաստան» խմբակցության պատգամավոր Քրիստինե Վարդանյանը հարցրեց արտաքին գործերի նախարար Արարատ Միրզոյանին․ «Մեկ ամիս առաջ Շվեյցարիայի արտաքին գործերի նախարարը հայտարարել էր, որ Հայաստանը եւ Ադրբեջանը պաշտոնապես դեմ են արտահայտվել նման համաժողովի անցկացմանը, կպարզաբանե՞ք՝ ինչո՞ւ եք դեմ արտահայտվել»։
Արարատ Միրզոյանը խուսափեց պատասխանել հարցին։ «Ես առաջարկ ունեմ՝ եկեք պայմանավորվենք, որ հրապարակավ այս հարցին կանդրադառնանք։ Մի հատ թույլ տվեք, հասկանամ՝ ի՞նչ հանձնաժողով, ի՞նչ համաժողով, լավ չեմ հասկանում։ Մի հատ տեսնեմ՝ ինչի՞ մասին է խոսքը, հաջորդ հարցուպաասխանի ժամանակ կվերադառնանք»,- նշեց Արարատ Միրզոյանը։
Մանրամասները՝ տեսանյութում
Կարդացեք նաև
Ռոզա ՀՈՎՀԱՆՆԻՍՅԱՆ
