«Հետաքրքիր մանիպուլյացիոն գործընթացներ եղան, մի մասն ասաց՝ փրկվանք, վերջ։ Ժողովուրդ ջան, չփրկվենք, եւ պետք չէ իսկապես փրկիչներ ման գալ։ Ինչպես պետք չէր առաջ փրկիչներ ման գալ հյուսիսում, հիմա պետք չէ փրկիչներ ման գալ հյուսիսում, հարավում, արեւելքում, արեւմուտքում, որեւէ տեղ։ Եթե մենք փրկվելու ձեւ ունենք, մենք ինքներս պետք է այնպես անենք, որ եւ փրկվենք եւ զարգանանք։ Մենք փրկիչներ չենք գտել եւ այս փաստաթղթով էլ փրկիչներ չենք փնտրել»,- ԱԺ-կառավարություն հարցուպատասխանի ժամանակ ասաց ԱԳ նախարար Արարատ Միրզոյանը՝ անդրադառնալով ԱՄՆ հետ ստորագրած ռազմավարական համագործակցության փաստաթղթին։
Նրա խոսքով՝ մի խումբ մարդիկ էլ ասում են՝ սրա համար Մոսկվան ու Թեհրանը մեզ պատժելու են։ «Ես վերադարձել եմ Մոսկվայից, իմ տեղակալը մեկ օր առաջ վերադարձել է Թեհրանից։ Մենք Մոսկվայի ու Թեհրանի մեր գործընկերների հետ սերտ ու ամենօրյա կապի մեջ ենք»,- հավելեց Միրզոյանը։
Նա նշեց, որ ԱՄՆ հետ իսկապես շատ հաջողված ու բազմաոլորտ, լավ հեռանկարներ բացող փաստաթուղթ է ստորագրվել։
Մանրամասները՝ տեսանյութում
Կարդացեք նաև
Ռոզա ՀՈՎՀԱՆՆԻՍՅԱՆ
