ՀՀ ֆինանսների նախարար Վահե Հովհաննիսյանի ֆեյսբուքյան գրառումը
Ուրախ եմ տեղեկացնել, որ երեկ ընտրվել եմ Քաղաքացիական պայմանագիր կուսակցության Կենտրոն տարածաքային կառույցի խորհրդի անդամ: Այս ողջ ընթացքում մեծ ոգեշնչումով ակտիվորեն մասնակցել եմ կուսակցության աշխատանքներին և պատրաստ եմ այսուհետ նույնպես շարունակել իմ ակտիվ գործունեությունը խորհրդի շրջանակներում՝ լավագույնս նպաստելով կառույցի աշխատանքների արդյունավետ և հաջող ընթացքին:
Անչափ կարևորում եմ կուսակցական աշխատանքը և համոզված եմ, որ այն քաղաքական առաջնորդության կարևորագույն տարրեր է պարունակում: Մասնագիտական գործունեությամբ տարված՝ հաճախ անտեսում ենք կուսակցական աշխատանքը, համարում այն այլոց զբաղմունք, սակայն կարևոր է, որ մեզնից յուրաքանչյուրը մասնակից լինի քաղաքական բովանդակության ձևավորմանը, որպեսզի մեր գաղափարներով ներդրում ունենանք այդ բովանդակության բարելավման գործում:
Ցանկանում եմ նաև շնորհավորել Մարիամ Պողոսյանին Կենտրոն տարածաքային կառույցի խորհրդի նախագահ ընտրվելու կապակցությամբ։
Կարդացեք նաև
