«Այս տարի բյուջեի եկամուտների հավաքագրումներն ավելի վատ վիճակում են լինելու, հետեւաբար, բյուջեն լցնելու խնդիր ունեն մարդիկ։ Դրա համար է, որ ավելացել է գույքահարկը, տրանսպորտի գինը, ավելացել են նոտարների, փաստաբանների հարկերը, ավելացել է շրջանառության հարկը։ Եվ սա մեկ նպատակ ունի՝ լցնել բյուջեն։ Բայց պարզվում է՝ սա էլ հերիք չէ, հիմա մարդկանց յուրաքանչյուրին ասում են՝ գնա հայտարարագրի, որ մենք հասկանանք՝ ձեր վերջին կոպեկը որտեղ է, որ դրանից էլ կարողանանք հարկ քերել»,- ԱԺ հայտարարությունների ժամին ասաց «Հայաստան» խմբակցության պատգամավոր Աննա Գրիգորյանը։ Նա նշեց՝ ուսուցիչը 100 հազար դրամ է ստանում, եւ նրան պարտադրում են, որ հայտարարագիր ներկայացնի, ուսուցի՞չն է կոռուպցիոն գործընթացներում ներգրավված անձը։
Մանրամասները՝ տեսանյութում
Աննա Գրիգորյանին արձագանքեց ԱԺ նախագահ Ալեն Սիմոնյանը․ «Այսինքն՝ թափանցիկության մեջ վատ բան կա՞։ Այդ որ փողը թաքցնում են օլիգարխի նկարի եւ օլիգարխի կերպարի տակ, բա թաքցնելու մասին է խոսքը։ Բայց ձեզ ո՞վ է ասել, որ հարկելու են ուսուցչին, որը ցույց կտա, որ ինքը եկամուտ ունի, ըտենց բան որտեղի՞ց է հայտնվել։ Գիտեք՝ ով է վախենում հայտարարագիր ներկայացնելուց, ով որ թաքցնելու բան ունի։ Իսկ պետությունից թաքցնելն ինչն է նշանակում, նշանակում է պետությունից գողություն իրականացնել»։
Կարդացեք նաև
Մանրամասները՝ տեսանյութում
Ռոզա ՀՈՎՀԱՆՆԻՍՅԱՆ
