Սևանա լճի 2024 թվականի տարեկան ջրային հաշվեկշիռը
2024 թվականի ընթացքում գետերով ջրի մուտքը Սևանա լիճ կազմել է 680.79 մլն.խոր.մ, որը կազմում է նորմայի 90%-ը (2023 թվականին գետային ներհոսքը կազմել էր նորմայի 66%-ը)։
Լճի մակերևույթի վրա թափված տեղումների քանակը եղել է 579.5 մլն.խոր.մ, որը կազմում է նորմայի 116%-ը։
Գոլորշացումը լճի մակերևույթից եղել է 1062.3 մլն.խոր.մ, որը կազմում է նորմայի 98%-ը։
2024 թվականի ընթացքում Արփա-Սևան ջրատարով Սևանա լիճ տեղափոխված ջրի ծավալը (այդ թվում ջրատարով ստորերկրյա ներհոսքը) կազմել է 185.146 մլն.խոր.մ, որը 70.690 մլն.խոր.մ-ով ավել է 2023 թվականին Սևանա լիճ տեղափոխված ջրի քանակից (114.456 մլն.խոր.մ)։
Սևանա լճից բաց թողնված ջրի գումարային ծավալը կազմել է 131.038 մլն.խոր.մ, որը 97.196 մլն.խոր.մ-ով պակաս է 2023 թվականին լճից բացթողնված ջրի գումարային ծավալից՝ 228.234 մլն.խոր.մ:
Արդյունքում, Սևանա լճի ջրային հաշվեկշիռը 2024 թվականին եղել է դրական, և լճում կուտակվել է 280.3 մլն.խոր.մ ջուր, ինչը համարժեք է լճի մակարդակի 22 սմ-ով բարձրացմանը։
2024 թվականի հունվարի 1-ին Սևանա լճի մակարդակը կազմել է 1900.17 մ, լճի մակերեսը՝ 1275.372 կմ², իսկ լճի ծավալը՝ 37.7563 կմ², իսկ տարեվերջին՝ դեկտեմբերի 31-ի դրությամբ, համապատասխանաբար, 1900.39 մ, 1277.464 կմ² և 38.0366 կմ³։
Կարդացեք նաև
«Հիդրոօդերևութաբանության և մոնիթորինգի կենտրոն» ՊՈԱԿ
