Նորաձևության և հագուստի ոլորտի հայկական 18 ՓՄՁ-ներ հունվարի 18-21-ը մասնակցում են Փարիզի միջազգային ցուցահանդեսների շրջանակներում կազմակերպված ճանաչողական այցի:
Այցը հնարավորություն է ընձեռում հագուստի և նորաձևության ոլորտի ՓՄՁ-ներին ձեռք բերել արժեքավոր պատկերացումներ եվրոպական շուկայի միտումների, որակի չափանիշների և կայուն նորաձևության պրակտիկայի վերաբերյալ։
«Who’s Next»-ը նորաձևության աշխարհի խոշորագույն ցուցահադեսներից է, որը հյուրընկալում է ավելի քան 50,000 այցելու, շուրջ 1,500 ապրանքանիշ 100 երկրներից:
Զուգահեռ ընթանում է ներքնազգեստի, տնային հագուստի և լողազգեստի առաջատար համաշխարհային «Salon International de la Lingerie» ցուցահադեսը, որը միավորում է լավագույն դիզայներների և մատակարարող գործընկերների ամբողջ աշխարհից:
Նախաձեռնությունն իրականացվել է «Հագուստի և ագրոբիզնեսի կայուն արժեքային շղթաների կառուցում Հայաստանում» ծրագրի շրջանակում, որը ֆինանսավորվում է Եվրոպական միության (ԵՄ) կողմից և իրականացվում է Միջազգային առևտրի կենտրոնի (ITC) կողմից՝ ՀՀ էկոնոմիկայի նախարարության հետ համագործակցությամբ: Միջոցառմանը աջակցում է նաև «Մասնավոր հատվածի զարգացում և մասնագիտական կրթություն և ուսուցում Հայաստանում» (PSDTVET) ծրագիրը, որը ֆինանսավորվում է Գերմանիայի կառավարության կողմից և իրականացվում է Գերմանական միջազգային համագործակցության ընկերության (GIZ) կողմից:
Կարդացեք նաև
ՀՀ էկոնոմիկայի նախարարություն
