Երևանի ավագանու «Մայր Հայաստան» խմբակցության անդամ Մեսրոպ Մանուկյանը լրագրողների հետ ճեպազրույցի ընթացքում տեղափոխվեց Երևանի փոխքաղաքապետ Սուրեն Գրիգորյանի աշխատասենյակ։ Նա այնտեղ չէր։
Մեսրոպ Մանուկյանը կասկածներ ուներ, որ թաքնվել է հանգստի սենյակում։ Նրա օգնականին հարցրին՝ թույլ կտա՞ք աշխատասենյակի հեռախոսով բարձրախոսով զանգել Սուրեն Գրիգորյանին, նա դրական պատասխան չտվեց։
Այդ ընթացքում Երևանի քաղաքապետարանի անվտանգության աշխատակիցները Մեսրոպ Մանուկյանին և լրագրողներին դուրս հրավիրեցին Սուրեն Գրիգորյանի աշխատասենյակից։ Մեսրոպ Մանուկյանն ասաց․ «Իմ կարծիքով՝ Սուրեն Գրիգորյանը հետևում՝ հանգստի սենյակում թաքնվել է և դուրս չի գա։ Չգիտեմ՝ այս պահին ո՞վ կա քաղաքային իշխանություններից, որ գնանք նրա մոտ․ քաղաքապետը շենքում չէ, փոխքաղաքապետը անհայտ է՝ որտեղ է կորել։ Ո՞ւր են կորել, ժողովուրդ»։
Այնուհետև դիմելով իրեն Սուրեն Գրիգորյանի աշխատասենյակից դուրս հանած անվտանգության աշխատակցին, Մեսրոպ Մանուկյանը հարցրեց․ «Պարոն Զատիկյա′ն, եկեք, հլը տեսնենք՝ Ձեր ո՞ր լիազորության շրջանակում եք Դուք գալիս, ասում՝ դուրս եկեք էդտեղից։ Չէ՞ որ քաղաքի բարձրագույն իշխանության ներկայացուցիչն եմ, և Սուրենը Գրիգորյանն իմ աշխատողն է նաև, ոնց որ Ավինյան Տիգրանը»։
Կարդացեք նաև
Տաթև ՀԱՐՈՒԹՅՈՒՆՅԱՆ
