«Երկու տարի անց ավելի շատ հարցեր են առաջացել, քան իրավասու մարմինների կողմից տրվել են պատասխաններ»,-այսօր «Նոյան տապան» մամուլի ակումբում ասաց Ազատ գյուղի զինվորական կացարանում բռնկված հրդեհի զոհ դարձած 15 զինծառայողների հարազատների ներկայացուցիչ փաստաբան Նորիկ Նորիկյանը:
Դատակոչված 19 տուժողներից հարցաքննվել են 14-ը, երկուսը մահացել են, երկու տուժող՝ ծնողներ, չեն հարցաքննվել եւ չի հարցաքննվել այդ կացարանի սեփականատեր կինը:
«Դատակոչված 38 վկայից դեռեւս հարցաքննվել է 4 վկա, առաջիկա նիստերին սկսվելու է ինչպես զորամասի հրամանատարական կազմի, այնպես էլ ԶՈՒ ԳՇ բարձրաստիճան պաշտոնյաների հարցաքննությունը»,- ասաց Նորիկյանը:
Փաստաբանը հիշեցրեց, որ ողջ մնացած զինվորներից մեղադրանք է առաջադրվել Ռադիկ Մաթեւոսյանին եւ նրա գործն անջատվել է մայր գործից, ուղարկվել Գեղարքունիքի մարզի առաջին ատյանի ընդհանուր իրավասության դատարան՝ քննության: Նրան մեղադրանք է առաջադրվել ՔՐ Օր 543 հոդվածի 3-րդ մասում (վերակարգի մեջ ընդգրկված զինծառայողի կողմից իր պարտականությունները չկատարելու կամ անփույթ կատարելու համար):
Կարդացեք նաև
Արփինե ՍԻՄՈՆՅԱՆ
