Տիգրան Պետրոսյանի անվան շախմատի տուն-մարզադպրոցում շարունակվում են Հայաստանի բարձրագույն խմբի տղամարդկանց 85-րդ եւ կանանց 80-րդ առաջնությունները:
Կայացած հինգերորդ տուրն արդյունավետ էր տղամարդկանց պայքարում, որտեղ բոլոր հինգ պարտիաներն էլ ավարտվեցին կողմերից մեկի հաղթանակով: Մրցաշարային աղյուսակը 3,5-ական միավորով գլխավորում են միջազգային վարպետ Արթուր Դավթյանը եւ գրոսմայստեր Ռոբերտ Հովհաննիսյանը, սակայն լրացուցիչ ցուցանիշներով առջեւում Արթուր Դավթյանն է:
Կանանց պայքարում շարունակում է առջեւից ընթանալ ՖԻԴԵ-ի կանանց վարպետ Աննա Խաչատրյանը: Նա կորցրել է ընդամենը կես միավոր: Սակայն մրցաշարային աղյուսակում դիրքերն աստիճանաբար կարգավորում է կանանց միջազգային վարպետ Սուսաննա Գաբոյանը, որը 4,0 միավորով բարձրացել է երկրորդ հորիզոնական:
Կարդացեք նաև
Աշոտ ՀԱԿՈԲՅԱՆ
