Դիտորդների խոսքով՝ ԱՄՆ նախագահի պաշտոնին Դոնալդ Թրամփի վերադարձը Թուրքիայի նախագահ Ռեջեփ Թայիփ Էրդողանն ընկալում է որպես հնարավորություն՝ վերականգնելու «սերտ աշխատանքային հարաբերությունները» Վաշինգտոնի հետ։
Թուրքիայի նախագահ Ռեջեփ Թայիփ Էրդողանը ողջունել է Դոնալդ Թրամփի վերընտրվելը ԱՄՆ նախագահի աթոռին, և դիտորդների խոսքով, պատճառը շատ պարզ է՝ Անկարայում Թրամփին ընկալում են որպես մի գործչի, ում հետ «կարող են բիզնես անել»։
«Երկու ղեկավարներն էլ դիվանագիտական հարաբերություններին մոտենում են գործարք կնքելու հնարավորության տեսանկյունից։ Էրդողանը կարծում է, որ, ինչպես ինքը, Թրամփը նույնպես պրագմատիկ մարդ է, և որ այս անգամ նա կարող է պահել Սիրիայից ամբողջությամբ դուրս գալու իր խոստումը»,- ասում է Թուրքիայի նախկին բարձրաստիճան դիվանագետ, վերլուծաբան Այդըն Սելչենը։
Հիշեցնենք՝ առաջին պաշտոնավարման ժամանակ Թրամփը խոսում էր Սիրիայից ամերիկյան զորքերի դուրսբերման մասին, որոնք այնտեղ են աջակցելու քրդական YPG-ին՝ «Իսլամական պետության» գրոհայինների դեմ պայքարելու համար։
Կարդացեք նաև
Թուրք քաղաքական մեկնաբան Սեզին Օնեյն ասում է. ««Իսլամական պետության» վերածնունդը կանխելու համար Թրամփի վարչակազմը շահագրգռված կլինի պաշտպանել YPG-ին, քրդերին, պահպանել դաշինքը քրդերի հետ։ Փոխնախագահ Ջեյ Դի Վենսը «Իսլամական պետությունը» սպառնալիք է համարում»։
Նյութն ամբողջությամբ՝ սկզբնաղբյուր կայքում
