«Այս շենք ամեն օր մտել եմ չորս տարի շարունակ՝ մի քիչ ավելի։ Այստեղ ճաղեր չեն եղել»,-ՀՀ կառավարության 1-ին շենքի առջև ի պաշտպանություն Բաքվում ապօրինի ազատազրկված հայ գերիների և պատանդառված անձանց իրավունքների բողոքի գործողության ժամանակ ցույց տալով ՀՀ կառավարության շենքը, հայտարարեց ՀՀ նախկին վարչապետ Հրանտ Բագրատյանը։
Անդրադառնալով Բաքվում ընթացող այսպես կոչված դատավարություններին՝ Հրանտ Բագրատյանն ասաց․ «1993-ին ես վարչապետ եմ եղել, մենք հաղթել էինք, աշխարհը հավաքվեց, ՄԱԿ-ը որոշեց զբաղվել Ղարաբաղի հարցով, որոշեց, որ այդ խնդիրը պատվիրակվում է ԵԱՀԿ-ին։ ԵԱՀԿ-ն ասաց, հո 37 պետությունո՞վ չեմ քննարկելու։ 3 պետության պատվիրակեմ, գնացեք, լուծեք Ղարաբաղի հարցը։ Արցախի հարցն օրինական է։ Եթե Մինսկի խմբից մենք հրաժարվում ենք, ուրեմն Արցախը Ադրբեջան է, ուրեմն մենք այնտեղ ի՞նչ էինք անում, ուրեմն բոլորիս պիտի դատեն։ Մեր գոյության հիմքերն են վերցնում՝ Մինսկի խումբ վերացնելով։ Զանգեզուրի կարիդոր են բացում․ ո՞վ է ում խոսք տվել։ Նոյեմբերի 9-ի փաստաթղթի 9-րդ կետում կա ճանապարհի մասին, բայց առաջին ութ կետը չկատարած ինչո՞ւ պետք է 9-րդ կետը կատարենք։ Ոչ մի իրավական հիմք չկա»։
Կարդացեք նաև
Տաթև ՀԱՐՈՒԹՅՈՒՆՅԱՆ
