«Այն, ինչ հիմա տեղի է ունենում Բաքվում, շինծու քաղաքական դատավարություն է և դրա հետ կապված ՀՀ պատկան մարմինների և ԱԳՆ-ի, պետության ղեկավարի միտումնավոր անգործությունը վկայում է այն մասին, որ ՀՀ-ում արտաքին քաղաքականություն չկա»,- ՀՀ կառավարության 1-ին շենքի առջև ի պաշտպանություն Բաքվում ապօրինի ազատազրկված հայ գերիների և պատանդառված անձանց իրավունքների բողոքի գործողության ժամանակ հայտարարեց «Հայաքվեի» նախաձեռնող խմբի անդամ Մենուա Սողոմոնյանը։
Ըստ նրա՝ սա նշանակում է՝ կարծես թե ՀՀ-ին ԱԳՆ հարկավոր չէ․ «ԱԳՆ-ն պետության շահերն առաջ տանելու, հաղորդակցելու ուղեղային կենտրոնն է։ Հայ ժողովրդի հետ կապված բոլոր կարևոր հիմնախնդիրները, որոնք առնչվում են նրա անվտանգությանը, ինքնիշխանությանը, ինքնությանը, պետության խնդիրներին, դրանց հետ կապված որևէ գործողություն, գործունեություն չկա։ Սա նշանակում է, որ մեր պետության, պետականության կարգավիճակի նշաձողն իջեցվել է ինքնավարության մակարդակի։ ՀՀ-ն այսպիսի վիճակով ոչ թե ինքնիշխան պետություն է, այլ բերել, հասցրել են ինքնավարության աստիճանի»։
Տաթև ՀԱՐՈՒԹՅՈՒՆՅԱՆ
