«Իշխանությունը ո՞րն է․ սա ՀՀ կառավարությունը չէ․ սա ադրբեջանական կառավարության ֆիլիալն է Երևանում»,-հարցին՝ ի՞նչ ակնկալիքով եք ներկայացնում կառավարությանը պահանջագիր, այս իշխանությունն ի վիճակի՞ է որևէ բան փոխել, այսպես արձագանքեց ՀՀ նախկին վարչապետ Հրանտ Բագրատյանը։
Նա վստահեցրեց՝ Բաքվում որևէ դատ ընթանալ չի կարող, եթե ՀՀ-ն Մինսկի խմբից (ՄԽ) չհրաժարվի․ «Մարդիկ չեն հասկանում։ Եթե կա ՄԽ-ն, ուրեմն հայ-ադրբեջանական պատերազմներն օրինական են, քանի որ Ադրբեջանն է հարձակվել։ Ադրբեջանը հարձակվել է՝ խախտելով 1993-ի պայմանագիրը, որ Մինսկի խումբը պիտի որոշի Ղարաբաղի կարգավիճակը։ Եթե Մինսկի խումբ չկա, Ղարաբաղի բոլոր ղեկավարները հանցագործ են։ Եթե չկա ՄԽ, Ղարաբաղը միշտ Ադրբեջան է եղել, ուրեմն ի՞նչ էին անում հայերը Ադրբեջանում՝ զենքով։ Հայաստանի գոյության հիմքն այսօր Մինսկի խումբն է։ Եթե ՄԽ չկա, նշանակում է՝ 100 միլիարդ դոլար փող ենք պարտք Ադրբեջանին։ Տարրական դավաճանություն է, որ սա անում է․ խոսքս Փաշինյանի մասին է»։
Անդրադառնալով Հայաստանի Հանրապետության և Ամերիկայի Միացյալ Նահանգների միջև ռազմավարական համագործակցության կանոնադրության ստորագրմանը՝ րանտ Բագրատյանն ասաց․ «Մեջը Ղարաբաղի մասին գրված է, որ մի քիչ փող կտանք Արցախի ժողովրդին։ Ամերիկա՞ն չէր, որ ասում էր՝ ստատուսը մի քիչ իջացրեք, Ղարաբաղ հետ գնա, Թրա՞մփը չէր ասում՝ Արցախի հայերը հետ պիտի գնան։ Բա դա հերթական դավաճանությո՞ւնը չէ։ Միրզոյան, բա ինչո՞ւ ես ստորագրում․ վեր կենայիր, ասեիր՝ խոսք եք տվել, բա եկեք, արեք»։
Այն, որ Հայաստանն ու Ադրբեջանը պայմանավորվել են սկսել պետական սահմանի սահմանազատման համալիր աշխատանքները՝ հյուսիսային հատվածից, Հրանտ Բագրատյանն այս առիթով ասաց․ «Եթե Ադրբեջանի հետ նոր սահմանազատման են գնում, ուրեմն ՀՀ-ն էլի պիտի տա, ստանալիք չի ունենալու»։
Կարդացեք նաև
Տաթև ՀԱՐՈՒԹՅՈՒՆՅԱՆ
