ՀՀ Գեղարքունիքի մարզի առաջին ատյանի ընդհանուր իրավասության դատարանի Սևան քաղաքի նստավայրում տեղի ունեցած Ազատ գյուղի զինվորական կացարանում զոհված 15 զինծառայողների գործով դատական նիստին հարցաքննվող վկան՝ դասակի հրամանատար Տիգրան Մանասերյանը, սահմռկեցուցիչ դրվագներ պատմեց դեպքի օրվա վերաբերյալ
Ըստ նրա՝ ականատես է եղել, թե ինչպես են «Ուռալ»-ի հարվածած անկյունից դիակները դուրս հանվում. «Կրակ չեմ տեսել, հրշեջ ծառայությունն արդեն մարել էր, տանիքից ծուխ էր դուրս գալիս: Նախամուտքի պատուհաններից ծուխ էր դուրս գալիս:
Նախամուտքի մոտ վառված զենք կար, էդ եմ տեսել:
Բոլոր դիակները բռնցքամարտիկի դիրք ունեին, կծկված ոնց որ լինեին դիակները… Մարմինները ննջարանում էին, մի հոգու էլ հյուրասրահից հանեցին, մի հոգու էլ պատուհանի տակից»:
Կարդացեք նաև
Հարցերին՝ դիակների դուրսբերմանը ով է մասնակցել, ովքեր են մուտք գործել տուն, ովքեր են պլանավորել դիակները դուրս հանել, ասաց՝ պլանավորումը չի կարող ասել:
Ծնողները նրա ցուցմունքից զայրացան: Այսպիսի արձագանքներ եղան նիստերի դահլիճից. «Մուլտիլովկաներ ես անում»:
Զինվորի հարազատը բորբոքվեց, սկսեց վիրավորական արտահայտություններ անել վկայի հասցեին, նիստը նախագահողը նկատողություն տվեց նրան, վերջինս դուրս եկավ դահլիճից:
Զոհված զինվորներից մեկի ծնողն էլ հարց ուղղեց՝ «ինչու է զինծառայողներին ասել՝ ով որ ստեղից զորացրվի, ես իրա մերը»: Վկան հերքեց, ասաց՝ նման բան չի ասել:
Հետո այս նույն հարցը վկային ուղղեց գործով անցնող մեղադրյալներից մեկը:
Արփինե ՍԻՄՈՆՅԱՆ
