«Քաջատեղյակ եմ, որ հունիսյան դեպքերով պայմանավորված կան հարուցված քրեական գործեր, զուգահեռ եղել են նաև հարուցված ծառայողական քննություններ, որոնք կասեցվել են, քանի որ կա զուգահեռ ընթացող քրեական վարույթ»,- հարցին՝ հունիսի 12-ի գործով եղե՞լ են պատժվողներ, Պարեկային ծառայության և Օպերատիվ կառավարման նորակառույց կենտրոնի վարչական համալիրում անցկացվող ամփոփիչ ասուլիսի ժամանակ պատասխանեց Ներքին գործերի նախարար Արփինե Սարգսյանը։
Մինչ ասուլիսի մեկնարկը՝ լրագրողների համար շրջայց կազմակերպվեց Պարեկային ծառայության և Օպերատիվ կառավարման նորակառույց կենտրոնի վարչական համալիրում։
Կարդացեք նաև
ՆԳ նախարարը հայտնեց՝ այս պահին ՆԳՆ անունից որևէ գնահատական հնչեցնել՝ կնշանակի ուղղորդում մեկ այլ կառույցի աշխատանքին․ «Քննչական կոմիտեի գործընկերները նախաքննության ընթացքում, անաչառ տրամաբանության մեջ, պատեհ պահի հանդես կգան որոշակի հայտարարություններով։ Ուզում եմ նաև արձանագրել, որ մեզ համար շարունակում են խնդրահարույց մնալ զանգվածային միջոցառումների ժամանակ ոստիկանության աշխատանքի մեթոդաբանության և ուժային միջոցի ստանդարտների հետ կապված հարցերը։ Ես՝ որպես նախարար հարցը դիտարկում եմ ոչ միայն որպես խնդիր, այլև դիտարկում լուծումը»։
Տաթև ՀԱՐՈՒԹՅՈՒՆՅԱՆ
