Հելսինկյան քաղաքացիական ասամբլեայի գրասենյակի ղեկավար, իրավապաշտպան Արթուր Սաքունցը ֆեյսբուքյան իր էջում գրում է.
«Ավելի լավ է նորից վերականգնեք Ազգային անվտանգության ծառայության քննչական դեպարտամենտը կամ վարչություն, դա ավելի ազնիվ կլինի։
Հակառակ դեպքում ինչ է ստացվում։
Ազգային անվտանգության ծառայության քննչական ստորաբաժանումը փակվեց, գործառույթները փոխանցվեցին քննչական կոմիտեին։
Կարդացեք նաև
Ու ի՞նչ․ կարճ ժամանակ անց քննչական կոմիտեի նախագահ նշանակվեց հենց ԱԱԾ-ի քննչական դեպարտամենտը 2020-22 թթ ղեկավարած Արթուր Պողոսյանը։
Հիմա էլ ՀՀ հակակռուպցիոն կոմիտեի նախագահի երկու թեկնածուներից մեկը նորից ԱԱԾ-ի կադր է, 2022-24թթ ԱԱԾ քննչական վարչությունը ղեկավարած Ռաֆայել Երիցյանը։
Այսինքն ԱԱԾ-ն ուներ մեկ քննչական վարչություն, հիմա «ունի» մեկ ամբողջ քննչական կոմիտե,
Եթե Ռ․Երիցյանն էլ անցավ մրցույթով, ապա ԱԱԾ-ն «ձեռք կբերի» ևս մեկ պաշտոն՝ ՀՀ հակակռուպցիոն կոմիտեի նախագահի պաշտոնը։
Կորցրեց մեկը, ձեռք բերեց երկուսը։
Հիանալի է, ուղղակի անման է։
Լու՞րջ, ու սա համարում եք ինստիտուցիոնալ բարեփոխու՞մ։
Չէ, հարց չկա, նշանակեք»։
