«Ընդհանուր առմամբ, Վաշինգտոնի հետ նման գործընկերության հաստատումը ՀՀ ինքնիշխան իրավունքն է՝ երկկողմ հարաբերությունների զարգացման շրջանակներում, սակայն երկու կողմերի համար կարևոր է ելնել հավասար և անբաժանելի անվտանգության սկզբունքից, այսինքն՝ այդ գործընկերությունը չպետք է անվտանգության սպառնալիքներ ստեղծի այլ պետությունների և միջազգային ասոցիացիաների համար», – News.ru-ին տված հարցազրույցում ասել է ՀԱՊԿ գլխավոր քարտուղար Իմանգալի Տասմագամբետովը՝ անդրադառնալով ՀՀ-ի ԱՄՆ-ի միջև ստորագրվելիք ռազմավարական գործընկերության փաստաթղթին։
Ալեքսեյ Չեպա
ՌԴ Պետդումայի միջազգային հարցերով հանձնաժողովի փոխնախագահ Ալեքսեյ Չեպայի խոսքով՝ էլ. «Հայաստանը պետք է բացատրի ԱՄՆ-ի հետ գործընկերության համաձայնագրի էությունը»։
Չեպա կարծում է, որ «համաձայնագրի կնքումն իր հետքը կթողնի Ռուսաստանի հետ Հայաստանի հետագա հարաբերությունների վրա. Երևանը ռազմավարական գործընկերության մեջ է մտնում մի երկրի հետ, որն ամեն ջանք գործադրել է ուկրաինական հակամարտությունը սանձազերծելու համար»:
Ինչպես ավելի վաղ հայտնել էր ՀՀ ԱԳՆ-ն, ԱԳ նախարար Արարատ Միրզոյանը և ԱՄՆ պետքարտուղար Էնթոնի Բլինքենը հունվարի 14-ին Վաշինգտոնում կստորագրեն ռազմավարական գործընկերության փաստաթուղթ։
