«Սահմանազատման հարցերի հետ կապված գործընթացը չի կանգնել, շարունակվում է, և այլ ճանապարհ, քան սահմանազատումը մինչև վերջ իրականացնելն է, ուղղակի չկա այլ ճանապարհ, քան խաղաղության օրակարգն է։ Իշխող քաղաքական ուժի միակ ընտրված ճանապարհն այլևս, որից շեղում հնարավոր չէ, խաղաղության օրակարգի սպասարկումն է»,- ամփոփիչ մամուլի ասուլիսի ժամանակ հայտարարեց ՀՀ արդարադատության նախարար Սրբուհի Գալյանը։
Նա նշեց՝ սահմանագծման և սահմանազատման աշխատանքները պետք է շարունակվեն․ «Կարծում եմ, երբ գործընթացն ավարտվի, միջազգային երկկողմ պայմանագրեր պետք է ունենանք, այդ թվում՝ հստակ սահմանագծման և սահմանազատման հետ կապված»։
Ըստ նրա՝ փոխադարձ ընկալումն այնպիսի է, որ այդ հատվածում աշխատանքներն ավարտված են․ «Սահմանագծման և սահմանազատման աշխատանքները պետք է շարունակական լինեն և դրանք խաղաղության օրակարգի սպասարկմանն են միտված։ Սա է մեր ուղղությունը և այն ճանապարհը, որով գնում ենք»։
Կարդացեք նաև
Տաթև ՀԱՐՈՒԹՅՈՒՆՅԱՆ
