«Նման լուրերին, որ շրջանառվում են ամեն շաբաթ, ես վերաբերվում եմ հումորով, հանգիստ, դրանք մոտավորապես զավեշտի ժանրից են: Շուտով չորրորդ տարին է լրանում, այդ մասին ամեն շաբաթ գրվում է, այո, գուցե եւ լինի այնպիսի մի շաբաթ, որ այդ լուրը ճիշտ կլինի, ինչին եւս վերաբերվում եմ հանգիստ եւ շատ նորմալ »,-ասուլիսում նշեց առողջապահության նախարար Անահիտ Ավանեսյանը՝ ի պատասխան լրագրողի այն հարցի, թե թիրախում երկու նախարար կա, որոնցից մեկն ինքն է, հատկապես քննադատվում է «Ուիգմոր» կլինիկայի հետ եւ այլնի հետ կապված, ուստի մտավախություն չունի՞, որ պաշտոնանկ կարվի Նիկոլ Փաշինյանից ստացվելիք էլեկտրոնային հաղորդագրության միջոցով:
«Նախաձեռնող նիստերին շատ գնահատում եմ, որ կառուցողական եւ լուրջ առումով ունենք քննադատական մեխանիզմներ, ինչն օգնում է, որ կուսակցության ներսում կարողանանք ամենասուր հարցերը բարձրացնել, քննարկել, դրանց լուծումներ փնտրել»,-հավելեց նա՝ ՔՊ-ի հավաքները ներկայացնելիս:
Գոհար ՀԱԿՈԲՅԱՆ
