Բոլոր գործերով լինում է երկու ուղղություն աշխատելու, մեկը ցույց տալ, որ վարույթ իրականացնող մարմինը ընթացակարգեր է խախտել իր մեղադրանքը առաջադրելիս կամ քրեական վարույթը նախաձեռնելիս եւ մյուսը բովանդակային մոտեցումն է: Մենք ասում ենք՝ անկախ ամեն ինչից՝ այն արարքը, որ նկարագրել եք մեղադրական եզրակացության մեջ, այն թղթերում, որ բերել եք դատարան, չի պարունակում հանցակազմ: Այսօր այս մասին լրագրողների հետ զրույցում ասաց «Իմնեմնիմիի» հաղորդաշարի հաղորդավարներ Նարեկ Սամսոնյանի եւ Վազգեն Սաղաթելյանի գործով փաստաբան Ռուբեն Մելիքյանը:
Նրա խոսքով՝ եզրափակիչ ելույթում պատրաստվում է անդրադառնալ քրեական վարույթի նախաձեռնման հարցին ու բերել այն մոտեցումները, որոնք այս գործին չեն վերաբերում. «Պետք է հասկանալ՝ այդ մշտադիտարկումը խտրական ձեւո՞վ է կատարվում, թե՞ խտրական ձեւով չի կատարվում»:
Արսեն Բաբայանն էլ անդրադարձավ օրեր առաջ իրեն՝ Ոստիկանություն տանելուն. «Այո՛, փաստացի ինձ ձերբակալել էին: Ինձ տանում էին Ոստիկանություն: Այլ հարց է, որ այդ ընթացքում աղմուկ բարձրացավ ու մինչեւ իմ՝ Ոստիկանություն հասնելը, Ոստիկանությունը հասկացավ, որ մեծ անմտություն է իրականացրել»: Նրա պատմելով՝ Ոստիկանության բաժնի մոտ իրեն է մոտեցել մի բարձրաստիճան պաշտոնյա եւ ասել՝ գիտեք, դուք ձերբակալված չեք:
Կարդացեք նաև
Արփինե ՍԻՄՈՆՅԱՆ
