2024թ․ տարեվերջից արդեն վարորդները երթեւեկում են Երեւան-Մեղրի միջպետական ճանապարհի Վերին Խոտանանը շրջանցող 11 կմ-ոց նոր ճանապարհահատվածով։ 6մ լայնությամբ ճանապարհը համապատասխանում է բոլոր չափանիշներին, այն կրճատել է 10-ից ավելի ոլորաններ։ Ճանապարհատվածը կառուցվել է պետբյուջեի ֆինանսավորմամբ։
Շինաշխատանքների առաջին փուլի արժեքը կազմել է մոտ 2 միլիարդ դրամ, երկրորդ փուլի աշխատանքները՝ 3 միլիարդ դրամ։
Ձմռան ամիսներին դժվարանցանելի էր ճանապարհի Վերին Խոտանանով անցնող ճանապարհը, հատկապես Սուրբ Աստվածածին եկեղեցու մոտակայքի կտրուկ ոլորանը խցանումների ու վթարների պատճառ էր դառնում։
Կարդացեք նաև
Նախկին ճանապարհին այլեւս անցյալում է։ Թեթեւ, լայն ու հարմարավետ ճանապարհը վարորդներին հանգիստ երթեւեկելու հնարավորություն է ընձեռել։
«Նոր ճանապարհը, համեմատած նախկինի՝ ավելի երկար է, բայց երկայնական թեքությունները ու կորի շառավիղները ավելի մեղմ են, որը հեշտացնում է ավտոմեքենաների ընթացքը»,-ասաց ճանապարհը կառուցող «Ապառաժ» ՍՊ ընկերության տեղամասի պետ Ասատուր Այվազյանը։
Մանրամասները՝ տեսանյութում։
