Aravot.am-ը Հայաստանում Ֆրանսիայի դեսպան Օլիվիե Դըկոտինյիին, որ մշակութային թեմայով ասուլիսում խոսում էր Հայաստանում խաղաղության եւ Հայաստանի տարածքային ամբողջականության մասին, հարցրեց՝ ի՞նչ կարծիքի է Փաշինյանի՝ ԵԱՀԿ Մինսկի խումբը լուծարելու վերաբերյալ հայտարարության մասին, արդոք հասունացե՞լ է այդ պահը:
«Ես կարծում եմ, որ ձեր հարցը շատ հեռու է այսօրվա մեր թեմայից»,-ասաց երկլեզու դրամատիկական արվեստանոցի չորրորդ թողարկման մեկնարկի առիթով հրավիրված ասուլիսին մասնակցող դեսպանը:
Aravot.am-ի եւ Հանրային ռադիոյի թղթակցի պնդմանը, որ մշակույթը նույնպես քաղաքականություն է, եւ ավելի վաղ դեսպանն արդեն իսկ խոսել էր քաղաքական թեմայով, հետեւաբար հարցն այդ համատեքստում էր, պարոն Դըկոտինյին այսպես արձագանքեց. «Ես խոսում էի պատմական կապերից եւ ոչ թե ժամանակակից իրողություններից: Այսօր մեզ հետ են մշակույթի ոլորտի մասնագետները՝ մի ծրագրի համար, որը միավորում է մեր երկու պետությունները: Ինչ վերաբերվում է քաղաքական հարցերին, կարծում եմ՝ բավականին պարզ արտահայտվեցի. Ֆրանսիան աջակցում է Հայաստանին, Հայաստանը ներկայացնում է իր կառավարությունը: Եվ այն աջակցությունը, որ Ֆրանսիան տալիս է Հայաստանին՝ շատ ավելի հստակ ներկայացվել է Ֆրանսիայի Հանրապետության նախագահ պարոն Մակրոնի կողմից՝ այն ամբողջական է եւ հաստատուն»:
Կարդացեք նաև
Գոհար ՀԱԿՈԲՅԱՆ
