«Հայաքվեի» նախաձեռնող խմբի անդամ Մենուա Սողոմոնյանի ֆեյսբուքյան գրառումը
Նիկոլ Փաշինյանի մամուլի խոսնակը գրում է, որ Հայաստանի Հանրապետությունը դիտարկում է ԵԱՀԿ Մինսկի խումբը լուծարելու հարցով ԵԱՀԿ դիմելու հնարավորությունը։
Նիկոլ Փաշինյանը նախկինում քանիցս հայտարարել է, որ ինքը Արցախի ժողովրդին ներկայացնելու իրավասություն չունի, քանի որ Արցախի ժողովրդի կողմից չի ընտրված։
Նա իրավասու չէ Արցախի ժողովրդի՝ 150․000 մարդու ինքնորոշման իրավունքը միջազգայնորեն ամրագրած Մինսկի գործընթացը չեղարկելու նախաձեռնությամբ հանդես գալ, քանի որ, ինչպես ինքն է հայտարարել, ոչ մի կերպ չի ներկայացնում այդ 150․000 մարդուն։
Կարդացեք նաև
Բացի դրանից, ԵԱՀԿ Մինսկի խումբ լուծարելը ռազմավարական բնույթի գործողություն է, այդ մտադրության մասին նշված չէ կառավարության ծրագրում, նշված չէ ՔՊ-ի նախընտրական ծրագրում, որի հիման վրա գործող վարչախմբին տրվել է ենթադրական վստահությունը։
Բաքվի բռնապետն իր հերթին պետք է լավ իմանա, որ նրա հայաստանյան գործակցի հնարավոր գործողությունն այս ուղղությամբ ապօրինի է, և հետագայում չեղարկվելու է հայ ժողովրդի կողմից։
