Եռաբլուրում շիրմաքարերի վրայից ծաղիկներ գողանալու գործով երեք անձի կալանավորման միջնորդություն է ներկայացվել։ Այս մասին «Փաստինֆո»-ն տեղեկանում է ՔԿ-ից։
Հիշեցնենք, որ հունվարի 4-ին համացանցում տեսանյութ էր տարածվում, թե ինչպես են գողանում Եռաբլուր զինվորական պանթեոնում ամփոփված զինծառայողի շիրմաքարերի ծաղիկները: ՊՆ-ից հայտնել էին, որ տեսանյութում պատկերված անձինք ՊՆ ՌՈ կողմից նույնականացվել և հայտնաբերվել են: Դեպքի առնչությամբ նախապատրաստված նյութերն ուղարկվել են վարույթն իրականացնող մարմնին: Դեպքի առթիվ քրեական վարույթ է նախաձեռնվել ՀՀ քրեական օրենսգրքի 254-րդ հոդվածի 2-րդ մասի 1-ին կետով` մի խումբ անձանց կողմից գողության հատկանշներով:
ՔԿ մամուլի քարտուղար Կիմա Ավդալյանը «Փաստինֆո»-ի հետ զրույցում հայտնեց, որ 2025 թվականի հունվարի 9-ին 2 անձի նկատմամբ հարուցվել է հանրային քրեական հետապնդում՝ Քրեական օրենսգրքի 254-րդ հոդվածի 2-րդ մասի 1-ին կետով (մի խումբ անձանց կողմից գողության), իսկ 1 անձի նկատմամբ՝ 46-254-րդ հոդվածի 2-րդ մասի 1-ին (մի խումբ անձանց կողմից գողությանը հանցակցելը) կետով:
«Միջնորդություններ են ներկայացվել Երեւան քաղաքի ընդհանուր իրավասության դատարան՝ մեղադրյալների նկատմամբ կալանքը որպես խափանման միջոց կիրառելու մասին: Նախաքննությունը շարունակվում է»,- նշեց Ավդալյանը։
Կարդացեք նաև
Իզաբել Սահակյան
