Էնթոնի Հոփքինսը, Մել Գիբսընը, Փերիս Հիլթոնը, Յուջին Լևին, Աննա Ֆերիսը, Մենդի Մուրը, Ռիկի Լեյքը, Բիլլի Քրիսթալը, Մայլս Թելլերը, Դայան Ուորենը, Սփենսեր Փրաթը, Ադամ Բրոուդին, Հայդի Մոնթագը այն աստղերից են, որոնց ունեցվածքը ավերակների է վերածվել Կալիֆորնիայի հարավում անտառային հրդեհների հետևանքով:
«Երբ տուն հասա, այն արդեն չկար: Ինքս ինձ ասացի՝ լավ, համենայնդեպս, ես այլևս չունեմ այդ ձանձրալի սանտեխնիկական խնդիրները», – Սկայնյուզը մեջբերում է հանրահայտ դերասան Մել Գիբսընի արձագանքը:
Ամերիկացի դերասանուհի և մոդել Փերիս Հիլթոնը Instagram-ում լուսանկար է հրապարակել՝ ցույց տալով Կալիֆորնիայում գտնվող իր առանձնատունը հրդեհից հետո։
«Ես կանգնած եմ այստեղ՝ մեր նախկին տան առջև, և սրտիս ցավն աննկարագրելի է: Երբ առաջին անգամ տեսա այն, շոկի մեջ էի, չէի կարողանում հասկանալ՝ ինչ է կատարվում: Բայց հիմա, տեսնելով ամեն ինչ իմ աչքերով, սիրտս կտոր-կտոր է լինում», – նշել է դերասանուհին։
Կարդացեք նաև
«Այրվել է ոչ միայն իր տունը, այլև կյանքի մի վայր, որը շատ հիանալի հիշողություններ է կրում», – նշել է Հիլթոնը և շեշտել. «Թեև կորուստը ցավալի է, ես երախտապարտ եմ, որ իմ ընտանիքն ու կենդանիները ապահով են»:
Հանրահայտ դերասան Էնթոնի Հոփքինսի Փալիսադեսի տունը նույնպես ամբողջությամբ այրվել է:
