«Երկու հիմնական խոչընդոտող գործոն է եղել միջանցքի՝ ադրբեջանաթուրքական սցենարի իրականացման, դրանք հավաքական Արեւմուտքի, հատկապես ԱՄՆ-ի եւ Իրանի դիրքորոշումներն են: Այստեղ դեռեւս պահպանվում է որոշակի անորոշություն՝ պայմանավորված Դոնալդ Թրամփի վարչակազմի քաղաքականությամբ, ընդ որում թե Հարավային Կովկասի մասով եւ թե գլոբալ առումով»,-Մեդիա կենտրոնում կայացած «Ալիեւի ագրեսիվ հռետորաբանությունը. ի՞նչ է սպասվում Հայաստան-Ադրբեջան հարաբերություններին» թեմայով ասուլիսում նշեց տարածաշրջանային հարցերով փորձագետ Արմեն Պետրոսյանը:
Նրա խոսքով. «Գոնե այն հայտարարությունները, որ ԱՄՆ նորընտիր նախագահը հնչեցնում է, այն տարածքային հավակնությունները, որ ներկայացնում է Կանադայի, Մեքսիկայի, Պանամայի, Դանիայի նկատմամբ, բավականաչափ մեծ հնարավորություններ են ստեղծում Ադրբեջանի համար՝ առնվազն նույն ոճով խոսելու: Եթե ԱՄՆ քաղաքական առաջնահերթություններին գնահատական փորձենք տալ, ապա այս պահին հնչած հայտարարությունները որոշակիորեն մեծացնում են Ադրբեջանի նախագահի մանեւրի հնարավորությունները:
Ինչ վերաբերվում է Իրանին, այստեղ բավականաչափ բարդ է այս պահին գնահատականներ տալը, թե ինչ վարքագիծ կդրսեւորի իրանական կողմը, որովհետեւ դա պայմանավորված է ոչ միայն բուն մեր տարածաշրջանում ընթացող գործընթացներով, այլեւ Իրանի դեմ պլանավորվող քաղաքականությամբ՝ Իրանի տարբեր տարածաշրջաններում եղած հակառակորդների կողմից»:
Մանրամասն՝
Կարդացեք նաև
Գոհար ՀԱԿՈԲՅԱՆ
Լուսանկարը՝ Մեդիա կենտրոնի
