Ռուսաստանի Դաշնության ներքին գործերի նախարարության պաշտոնյաները կկարողանան ինքնուրույն որոշում կայացնել որոշակի իրավախախտումներ կատարելու համար օտարերկրացիներին կամ քաղաքացիություն չունեցող անձանց երկրից վտարելու վերաբերյալ: Ինչպես հայտնում է RT-ն, օրենքն ուժի մեջ կմտնի փետրվարի 5-ից։
Նախկինում նման լիազորություններ ունեին միայն դատավորներն ու սահմանապահները։
Օրենքն ուժի մեջ մտնելուն պես վարչական վտարման վերաբերյալ որոշում կարող են կայացնել ՆԳՆ տարածքային մարմինների ղեկավարներն ու ղեկավարների տեղակալները, ինչպես նաև թմրամիջոցների վերահսկման և միգրացիոն հարցերի կառուցվածքային ստորաբաժանումների ղեկավարները։
Նոր օրենքի համաձայն՝ արտաքսվող օտարերկրացիները 48 ժամից ոչ ավելի ժամկետով հատուկ հաստատություններ կտեղափոխվեն՝ ՆԳՆ ղեկավարի, ՆԳՆ տարածքային մարմնի ղեկավարի, անվտանգության դաշնային ծառայության ղեկավարի, սահմանապահ ծառայության պետի կամ նրա տեղակալների որոշման հիման վրա։
Կարդացեք նաև
Ներքին գործերի նախարարության կամ անվտանգության դաշնային ծառայության միջնորդությամբ՝ դատավորը կարող է երկարաձգել ժամկետը մինչև 90 օր:
